ગુજરાત માં આવનારા દિવસોમાં ગુજરાત અને દેશના વાતાવરણની વાત કરવાના છીએ

 વેધર ઇફેક્ટ ચેનલ માં તમારું સ્વાગત છે. આજના વીડિયોમાં આપણે ગુજરાત અને દેશના વાતાવરણની વાત કરવાના છીએ,  

ચાર મહિના સુધી આખા દેશને ભીંજવ્યા બાદ ચોમાસાનો વિદાય લેવાનો સમય આવી ગયો છે. 

1 જૂનથી 30 સપ્ટેમ્બર સુધી વરસાદને ચોમાસાનો સમય માનવામાં આવે છે. આ પછી પણ છૂટાછવાયા વરસાદ ચાલુ રહે છે. જોકે, આ વખતે સ્થિતિ અલગ છે. હવામાન વિભાગે આગાહી કરી છે કે બંગાળની ખાડીમાં એક પછી એક બનતાં લો પ્રેશર વિસ્તારને લીધે કેટલાંક રાજ્યોમાં આગામી સાત દિવસ સુધી ચોમાસું પાછું ફરે તેવી શક્યતા ઓછી છે અને ભારે વરસાદ પડી શકે છે.

 આગાહી મુજબ, ઓક્ટોબરના બીજા સપ્તાહમાં ચોમાસું અહીંથી વિદાય લેશે. આ વર્ષે દેશમાં 108% વરસાદ થયો છે, જે ગયા વર્ષ કરતા 8% વધુ છે.

ખાનગી હવામાન એજન્સી સ્કાયમેટના મતે, ગુજરાત અને અરબી સમુદ્ર પર એક ઊંડા-નીચા દબાણવાળા વિસ્તારની રચના થઈ છે.

 બંગાળની ખાડીમાં વધુ એક લો-પ્રેશરનો વિસ્તાર બનવા જઈ રહ્યો છે. તેના લીધે ગુજરાત તેમજ રાજસ્થાનના પૂર્વ અને દક્ષિણપશ્ચિમ જિલ્લાઓમાં વરસાદ પડશે. 

 ઓક્ટોબરથી મધ્યપ્રદેશ, છત્તીસગઢ, રાજસ્થાન અને બિહાર સહિત અન્ય રાજ્યમાં વરસાદ શરૂ થશે. આ સાથે થાઇલેન્ડની આસપાસ વધુ એક સાઈક્લોનિક સર્કુલેશન બની રહ્યું છે.

વરસાદ ચાલુ રહેવાના ચાર કારણો જાણો 

1. ભેજ: બંગાળની ખાડી અને અરબી સમુદ્રમાંથી ભેજ હાલમાં સક્રિય છે. તેના લીધે રાજ્યો પર વાદળો બનતા રહેશે.

2. ટ્રફ લાઇન: એક લાંબી ટ્રફ

લાઇન દેશના પૂર્વ-પશ્ચિમ દિશામાં ચાલી રહી છે. જેના લીધે વરસાદ યથાવત્ રહે છે.

3. તાપમાન: દિવસ અને રાત્રિના તાપમાનમાં કોઈ મોટો વધઘટ થયો નથી. વાતાવરણમાં ભેજ મુખ્ય કારણ છે.

4. અસ્થિર હવા દબાણ પ્રણાલીઃ ઉચ્ચ અને નીચા દબાણવાળા વિસ્તારો સક્રિય છે. પૂર્વ અને એમપીમાં વરસાદ ચાલુ રહેશે.