📊 ગુજરાતના વિવિધ જિલ્લાઓના લઘુત્તમ તાપમાન – તાજા અપડેટ,ગુજરાત હવામાન: ક્યાં કેટલા ડિગ્રી? જુઓ આજનું Complete Temperature Chart

 અમદાવાદ સહિત રાજ્યભરમાં છેલ્લા કેટલાક દિવસથી તાપમાનનો પારો સતત ઊંચકાઈ રહ્યો છે. બે દિવસથી વાતાવરણમા ભેજનું પ્રમાણ વધતા રાજ્યભરમાં અચાનક ઠંડીનું જોર ઘટ્યુ છે. ગુજરાતના ૭જિલ્લાઓમાં લઘુત્તમ તાપમાન વધીને ૨૦ ડિગ્રીને પાર પહોંચી ગયુ છે. અમદાવાદની વાત કરવામાં આવે તો આજે લઘુત્તમ તાપમાન સામાન્ય કરતાં ૫.૭ ડિગ્રી વધુ નોંધાયુ હતુ. અમદાવાદનું લઘુત્તમ તાપમાન ૨૦.૮ ડિગ્રીએ પહોચી જતાં સામાન્ય ગરમીનો અહેસાસ થવા લાગ્યો હતો. અમદાવાદમાં સવારથી ધુમ્મસ અને વાદળછાળુ વાતાવરણ જોવા મળ્યું હતુ.

ઉલ્લેખનીય છે કે, કચ્છનું નલિયા ૧૧.૬ ડિગ્રી સાથે રાજયનું સૌથી ઠંડુગાર રહ્યુ હતુ. એ સિવાય પાટનગર ગાંધીનગરમાં ૧૪.૫ ડિગ્રી તાપમાન રહેતા ઠંડીનો ચમકારો અનુભવાયો હતો. એ સિવાયના મોટાભાગના શહેરોમાં પારો ઉંચકાયો છે. ડીસાનું લઘુત્તમ તાપમાન ૧૭.૮ ડિગ્રી, વડોદરામાં ૨૦.૮ ડિગ્રી, સુરતમાં ૨૧, ભુજમાં ૧૫.૬, અમરેલીમાં ૧૫, ભાવનગરમાં ૨૦.૬, પોરબંદરમાં ૧૬, રાજકોટમાં ૧૬, સુરેન્દ્રનગરમાં ૧૮.૫ અને મહુવામાં ૧૯.૫ ડિગ્રી તાપમાન નોંધાયુ છે.

સાબરકાંઠા પંથકમાં કમોસમી વરસાદ!

સાબરકાંઠા જિલ્લાના ખેડબ્રહ્મા અને ખેરોજ પંથકમાં ગુરૂવારે સવારે વાતાવરણમાં આવેલા અચાનક પલ્ટા બાદ એકાએક કમોસમી વરસાદ શરૂ થવાને કારણે આ પંથકમાં ઠંડીનું પ્રમાણ વધી જવા પામ્યું હતુ. એકાએક ૧૫ મિનિટથી વધુ સમય પડેલા વરસાદને કારણે ઘઉનું વાવેતર કરવા માંગતા ખેડૂતો ચિંતામાં મૂકાયા છે.