વલસાડ જિલ્લાની સંપૂર્ણ માહિતી | તાલુકા, વસ્તી, નદીઓ, પ્રવાસન સ્થળો અને વિશેષતાઓ

 📍 વલસાડ જિલ્લો – સંપૂર્ણ માહિતી

🔹 મુખ્ય મથક: વલસાડ

🔹 તાલુકા: 6

1️⃣ વલસાડ

2️⃣ પારડી

3️⃣ ધરમપુર

4️⃣ વાપી

5️⃣ કપરાડા

6️⃣ ઉમરગામ

📊 વલસાડ જિલ્લાની આંકડાકીય માહિતી

▪️ ક્ષેત્રફળ – 3,035 ચો. કિ.મી.

▪️ કુલ વસ્તી – 17,03,068

▪️ લિંગપ્રમાણ – 926

▪️ શિશુ લિંગપ્રમાણ – 926

▪️ વસ્તી ગીચતા – 561

▪️ સાક્ષરતા – 80.94%

▪️ સ્ત્રી સાક્ષરતા – 74.96%

▪️ પુરુષ સાક્ષરતા – 86.48%

🌟 વલસાડ જિલ્લાની વિશેષતાઓ

➡️ ગુજરાતનો એકમાત્ર જિલ્લો કે જે માત્ર એક જ જિલ્લા સાથે સરહદ ધરાવે છે – નવસારી.

➡️ સૌથી વધુ શહેરી પુરુષ સાક્ષરતા અને શહેરી સ્ત્રી સાક્ષરતા ધરાવતો જિલ્લો.

➡️ પારસીઓનું કાશી ગણાતું ઉદવાડા વલસાડ જિલ્લામાં આવેલું છે.

➡️ ચીકુ અને હાફૂસ કેરીના ઉત્પાદનમાં વલસાડ ગુજરાતમાં પ્રથમ સ્થાન ધરાવે છે.

➡️ વલસાડમાં આવેલું વાપી ઔદ્યોગિક નગરી તરીકે જાણીતું છે.

➡️ ગુજરાતમાં સૌથી વધુ વરસાદ વલસાડ જિલ્લાના કપરાડા ખાતે પડે છે.

➡️ કપરાડાને ગુજરાતનું ચેરાપુંજી કહેવામાં આવે છે.

🌊 વલસાડ જિલ્લાની સરહદ

➡️ ઉત્તરે – નવસારી જિલ્લો

➡️ પૂર્વ તથા દક્ષિણમાં – મહારાષ્ટ્ર રાજ્ય

➡️ પશ્ચિમમાં – અરબી સમુદ્ર

🏞️ વલસાડ જિલ્લાના જોવાલાયક સ્થળો

🔹 વલસાડ: તેનું પ્રાચીન નામ “વલ્લરખંડ” હતું. ઔરંગા નદીના કિનારે વસેલું વલસાડ પશ્ચિમ રેલવેના સુરક્ષાદળના તાલીમ કેન્દ્ર માટે જાણીતું છે. અહીં ચન્દ્રિકા માતાનું મંદિર પણ આવેલું છે.

🔹 તીથલ: દરિયાકિનારે આવેલું પ્રસિદ્ધ પર્યટન સ્થળ છે. અહીં સાંઈબાબાનું મંદિર પણ જાણીતું છે.

🔹 અતુલ: કસ્તૂરભાઈ લાલભાઈએ સ્થાપેલું ‘અતુલ’નું કારખાનું આવેલું છે, જ્યાં રંગ, રસાયણ અને દવાઓનું ઉત્પાદન થાય છે.

🔹 પારનેરા: નાનકડો ડુંગરાળ પ્રદેશ છે. અહીં શિવાજીની આરાધ્યદેવી ભવાની માતાનું મંદિર આવેલું છે.

🔹 સંજાણ: આશરે 1100 વર્ષ પહેલાં ઈરાનથી આવેલા પારસીઓ પવિત્ર અગ્નિ સાથે ભારતમાં સૌપ્રથમ સંજાણ બંદરે ઉતર્યા હતા. તે સમયે સંજાણમાં રાજા જાદીરાણા રાજ કરતા હતા.

🔹 ઉમરગામ: દરિયાકિનારે આવેલું કુદરતી સૌંદર્ય ધરાવતું વિહારધામ છે. ફિલ્મોના શૂટિંગને કારણે અહીં “વૃંદાવન ફિલ્મ સ્ટુડિયો”નો વિકાસ થયો છે.

🔹 ઉદવાડા: પારસીઓનું કાશી ગણાય છે. અહીંની અગિયારી ભારતના પારસીઓનું મુખ્ય તીર્થસ્થળ છે. ઈરાનથી લાવવામાં આવેલ પવિત્ર અગ્નિ (આતશબહેરામ) આજ સુધી અહીં પ્રજ્વલિત રાખવામાં આવ્યો છે. ઉદવાડા કોલક નદીના કિનારે આવેલું છે.

🔹 કુંતા: કુંતા નદીના કાંઠે આવેલું ગામ છે, જ્યાં કુંતેશ્વર મહાદેવનું મંદિર આવેલું છે.

🔹 ધરમપુર: અહીં કવિ મકરંદ દવેનો ‘નંદિગ્રામ આશ્રમ’ આવેલો છે. ભગવાન ભાવભાવેશ્વરનું મંદિર પણ આવેલું છે.

🔹 નારગોલ: કુદરતી સૌંદર્ય ધરાવતું સ્થળ છે. અહીં અરવિંદ આશ્રમથી પ્રેરિત છાત્રાલય સહિતની શાળા આવેલી છે.

🌊 મુખ્ય નદીઓ: ઔરંગા, પાર, કોલક અને દમણગંગા.

💧 સિંચાઈ યોજના: દમણગંગા ડેમ – દમણગંગા નદી પર આવેલો છે.

🌾 મુખ્ય ખેતી: હાફૂસ કેરી અને ચીકુના ઉત્પાદનમાં પ્રથમ સ્થાન. આ ઉપરાંત ડાંગર, જુવાર, શેરડી તથા વિવિધ ફળોનું ઉત્પાદન થાય છે.

🏭 ઉદ્યોગ: વાપી ખાતે મોટી ઔદ્યોગિક વસાહત આવેલી છે. અતુલ ખાતે કસ્તૂરભાઈ લાલભાઈ દ્વારા સ્થાપિત રંગ-રસાયણનું કારખાનું આવેલું છે.

🛣️ રાષ્ટ્રીય રાજમાર્ગ: રાષ્ટ્રીય ધોરીમાર્ગ નં. 8 (નવો નંબર 48) જિલ્લામાંથી પસાર થાય છે.

🎓 યુનિવર્સિટી / વિદ્યાપીઠ: વનસેવા મહાવિદ્યાલય, બીલપુડી, જિ. વલસાડ.

🏛️ મ્યુઝિયમ: લેડી વિલ્સન મ્યુઝિયમ, ધરમપુર.

⚓ બંદરો: કોલક, મરોલી, ઉમરગામ, ઉમરસાડી અને વલસાડ.

📌 વલસાડ જિલ્લો એટલે દરિયાકિનારો, ઉદ્યોગ, ખેતી, પ્રવાસન અને પારસી સંસ્કૃતિનો અનોખો સંગમ.

#વલસાડ #Valsad #Gujarat #ગુજરાત #SouthGujarat #Vapi #Tithal #Udwada #Kaprada #GujaratTourism