Gold Price Today 💰 સોનું-ચાંદી આસમાને! જાણો નવા રેટ

અમદાવાદ બુલિયન બજારમાં નવા નાણાકીય વર્ષ 2026-27ના પ્રથમ દિવસે સોના અને ચાંદીમાં જોરદાર તેજી જોવા મળી હતી. સતત બે દિવસની સ્થિરતા બાદ સોનામાં ₹4,000નો ઉછાળો  આવી પ્રતિ 10 ગ્રામ ₹1,55,000 સુધી પહોંચી ગયું, જ્યારે ચાંદી ₹6,000 વધી પ્રતિ કિલો ₹2,38,000 થઈ હતી. વૈશ્વિક બજારમાં પણ સોનાના ભાવમાં $183નો વધારો થઈ $4,729 પ્રતિ ઔંસ સુધી પહોંચ્યા હતા અને ચાંદી $74.60 પ્રતિ ઔંસ થઈ હતી.

 2 એપ્રિલ 2026ના રોજ ભારતમાં સોનાના ભાવ રેકોર્ડ સપાટી પર પહોંચ્યા છે. વૈશ્વિક બજારમાં મજબૂતી અને સ્થાનિક માંગ વધતા સોનામાં સતત તેજી જોવા મળી રહી છે. હાલમાં 24 કેરેટ (99.9%) સોનાનો ભાવ અંદાજે ₹14,600 થી ₹16,980 પ્રતિ ગ્રામ વચ્ચે ચાલી રહ્યો છે, જ્યારે 22 કેરેટ સોનું ₹13,000 થી ₹13,800 પ્રતિ ગ્રામની આસપાસ ટ્રેડ થઈ રહ્યું છે.

મુખ્ય શહેરોમાં પણ સોનાના ભાવ ઊંચા સ્તરે નોંધાયા છે. અમદાવાદમાં 22 કેરેટ સોનાનો ભાવ આશરે ₹13,818 પ્રતિ ગ્રામ છે, જ્યારે રાજકોટમાં તે લગભગ ₹13,441 પ્રતિ ગ્રામ સુધી પહોંચ્યો છે. બંને શહેરોમાં સોનાનો ભાવ ₹13,000 પ્રતિ ગ્રામથી ઉપર ચાલી રહ્યો છે, જે બજારમાં મજબૂત ટ્રેન્ડ દર્શાવે છે.

નોંધનીય છે કે ઉપરોક્ત ભાવ અંદાજિત છે અને તેમાં GST, TCS તેમજ અન્ય સ્થાનિક કરનો સમાવેશ થતો નથી. ચોક્કસ અને તાજા ભાવ જાણવા માટે સ્થાનિક ઝવેરીનો સંપર્ક કરવો યોગ્ય રહેશે. સોનાના ભાવ પર વૈશ્વિક પરિબળો, ડોલરનો દર, આંતરરાષ્ટ્રીય બજારની સ્થિતિ અને સ્થાનિક માંગણીનો સીધો પ્રભાવ પડતો હોય છે.