ચોથી માર્ચથી ગુજરાતમાં ગરમીનું યલો એલર્ટ – ક્રમશઃ વધશે તાપમાન
આગામી ઉનાળો અતિ આકરો બનવાના પૂર્વાનુમાન વચ્ચે ભારતીય હવામાન વિભાગ (IMD) દ્વારા તા. 4 અને 5 માર્ચે ગુજરાતમાં હોટ એન્ડ હ્યુમીડ (ગરમ-ભેજયુક્ત) પરિસ્થિતિ માટે યલો એલર્ટ જાહેર કરવામાં આવ્યું છે.
ફેબ્રુઆરી મહિનામાં સમગ્ર રાજ્યમાં તાપમાન સામાન્ય કરતાં વધુ રહ્યું હતું. હવે માર્ચની શરૂઆત સાથે જ હીટવેવ જેવી પરિસ્થિતિ સર્જાવાની શક્યતા વ્યક્ત કરવામાં આવી છે.
🌡 હાલનું તાપમાન
કચ્છ ઉપર સાયક્લોનિક સર્ક્યુલેશન સહિતના પરિબળોની અસરથી સતત બીજા દિવસે ગરમીમાં થોડો ઘટાડો નોંધાયો હતો.
રાજ્યમાં નોંધાયેલું મહત્તમ તાપમાન:
રાજકોટ – 33.8° સે.
ભૂજ – 33.8° સે.
અમદાવાદ – 33° સે.
સુરેન્દ્રનગર – 33° સે.
પરંતુ માર્ચના આરંભ સાથે જ ધોમધખતો તાપ શરૂ થવાની શક્યતા છે.
☀ ગરમીથી બચવા માટે માર્ગદર્શિકા
મોસમ વિભાગે લોકોને નીચે મુજબ સાવચેત રહેવા અપીલ કરી છે:
1️⃣ શક્ય હોય તેટલું તડકામાં બહાર જવાનું ટાળો.
2️⃣ ગાઢ રંગના ટાઈટ કપડાંની જગ્યાએ હળવા, આછા રંગના, ઢીલા અને કોટન (સુતરાઉ) કપડાં પહેરો.
3️⃣ તડકામાં બહાર નીકળતી વખતે માથું ઢાંકવું જરૂરી છે.
4️⃣ પૂરતું પાણી પીતા રહો અને ડિહાઈડ્રેશનથી બચો.
🌳 પર્યાવરણની જરૂરિયાત
આગામી કઠોર ઉનાળામાં શહેરો અને ગ્રામ્ય વિસ્તારોમાં આવેલા વૃક્ષો અને જળસ્ત્રોતો જ કુદરતી ઠંડક આપી શકે છે. ગીચ શહેરોમાં વૃક્ષોની અછતને કારણે ગરમીનો પ્રભાવ વધુ અનુભવો પડે છે.
ટિપ્પણીઓ