હેલ્લો નમસ્કાર મિત્રો
વેધર ઓફ ઇન્ડિયા યુટ્યુબ ચેનલ માં તમારું સ્વાગત છે.
આજ નાં આ વિડીયો માં આજે આપડે ગુજરાત ના હવામાન ની વાત કરવાના છીએ,
હાલ ગુજરાત માં મોટાં ભાગમાં વાદળ છાયું વાતાવરણ જોવા મળી રહ્યું છે અને કરછ, ઉત્તર ગુજરાત અને સૌરાષ્ટ માં વરસાદ પણ પડી રહ્યો છે, અને હજી પણ આવનારા દિવસોમાં વરસાદ ની આગાહી કરવામાં આવી છે.
ગુજરાતમાં હવામાન એકદમ અસ્થિર બનતું જઈ રહ્યું છે અને આગામી દિવસોમાં ગરમી અને માવઠા વચ્ચેનો ખેલ જોવા મળશે. આજના દિવસ એટલે 31 માર્ચે બપોર સુધી રાજ્યમાં ક્યાંય ખાસ વરસાદ જોવા મળતો નથી, પરંતુ સાંજ બાદ વાતાવરણમાં પલટો આવશે અને અમદાવાદ સહિત મધ્ય ગુજરાત તેમજ સૌરાષ્ટ્રના કેટલાક વિસ્તારોમાં છૂટોછવાયો સામાન્યથી મધ્યમ વરસાદ પડી શકે છે. આજનો દિવસ મોટા ભાગે વાદળછાયો રહેશે અને ભેજવાળા પવનના કારણે ગરમીમાં થોડી રાહત અનુભવાશે.
પહેલી એપ્રિલે હવામાન ફરી સ્થિર થઈ જશે અને રાજ્યમાં વરસાદની શક્યતા નહીં રહે, જેના કારણે ફરી ગરમીનું જોર વધશે. પહેલી અને બીજી એપ્રિલ દરમિયાન તાપમાનમાં ઝડપી વધારો થશે અને બપોરના સમયમાં ગરમી તીવ્ર બની શકે છે.
પરંતુ આ ગરમી લાંબા સમય સુધી રહેવાની નથી, કારણ કે બીજી એપ્રિલથી એક નવી મજબૂત સિસ્ટમ ગુજરાત તરફ આગળ વધી રહી છે. આ સિસ્ટમના કારણે કચ્છ, ઉત્તર ગુજરાત અને દરિયાકાંઠાના વિસ્તારોમાં ભારે અસર જોવા મળશે. સૌરાષ્ટ્રમાં ખાસ કરીને જામનગર, દેવભૂમિ દ્વારકા, જૂનાગઢ, વેરાવળ, સુરેન્દ્રનગર અને મોરબી વિસ્તારમાં ભારે થી અતિભારે વરસાદની શક્યતા છે. ત્રીજી એપ્રિલે સ્થિતિ વધુ તીવ્ર બનશે અને કેટલીક જગ્યાએ તેજ પવન સાથે ભારે વરસાદ પડી શકે છે, જેના કારણે સ્થાનિક સ્તરે પાણી ભરાવાની પરિસ્થિતિ પણ સર્જાઈ શકે છે.
ત્રીજી એપ્રિલ પછી સિસ્ટમ ધીમે ધીમે નબળી પડશે, છતાં ચોથી એપ્રિલે છૂટોછવાયો વરસાદ ચાલુ રહી શકે છે. પાંચમી એપ્રિલથી હવામાન ફરી સૂકું બનશે અને ગરમીનો પ્રભાવ ફરી વધશે.
હાલ અરબી સમુદ્ર અને બંગાળની ખાડી બંને સક્રિય છે, જેના કારણે આવી અચાનક સિસ્ટમો બનતી રહે છે. ખાસ કરીને પશ્ચિમ તરફથી આવતી સિસ્ટમો કચ્છ અને ઉત્તર ગુજરાતમાં વધુ અસર કરતી હોય છે. આ પરિસ્થિતિને ધ્યાનમાં લેતા એપ્રિલ મહિનામાં બે વખત માવઠાના રાઉન્ડ આવવાની શક્યતા છે, જ્યારે વચ્ચે ગરમીનો પ્રકોપ યથાવત રહેશે. ખેડુતો અને સામાન્ય લોકોને ખાસ સાવચેત રહેવાની જરૂર છે, કારણ કે અચાનક બદલાતા હવામાનથી પાક અને આરોગ્ય બંને પર અસર થઈ શકે છે.
ટિપ્પણીઓ