ચોમાસુ 15 જૂન સુધીમાં  ગુજરાત ના મોટા ભાગે આવરી લેશે. ભારતના મોટાભાગના વિસ્તારને 25 જૂન સુધીમાં આવરી લેશે. 

કેરળમાં વહેલા આગમન બાદ ધીમા પડેલા ચોમાસાએ ફરી ગતિ પકડતા રાહત. ગુજરાત માં આજે ભારે વરસાદ ની આગાહી.



દેશમાં નિર્ધારિત સમય કરતા પહેલા આગમન કરનાર ચોમાસા વિશે હવે રાહતના સમાચાર મળી રહ્યા છે. ભારતીય હવામાન વિભાગ (આઇએમડી) દ્વારા જણાવાયું હતું કે, દક્ષિણ પશ્ચિમી ચોમાસુ જેણે આ સપ્તાહે ફરીવાર વાર ગતિ પકડી છે તે આગામી ૨૫ જૂન સુધીમાં રાજધાની દિલ્હી સહિત ઉત્તર પશ્ચિમ ભારતના મોટાભાગના વિસ્તારોને આવરી લેશે. દેશમાં વરસાદ ખેંચી લાવનારી પ્રાથમિક સિસ્ટમ કેરળમાં ગત ૨૪ મેના રોજ પ્રવેશી હતી જેના કારણે દેશમાં આ વર્ષે ચોમાસાનો વહેલી ત્વરાએ પ્રવેશ થયો હતો.


૨૦૦૯ બાદ પહેલીવાર દેશમાં ચોમાસાનું વહેલું આગમન થયું હતું. અરબ સાગર અને બંગાળના અખાતમાં હવાના ઓછા દબાણની મજબૂત સિસ્ટમને કારણે ચોમાસુ ઝડપથી આગળ વધ્યું હતું અને થોડા દિવસમાં જ તેણે મુંબઈ સહિત મધ્ય મહારાષ્ટ્ર અને સમગ્ર ઉત્તર પૂર્વના વિસ્તારોમાં ૨૯ મે સુધીમાં પ્રવેશ કરી લીધો હતો.


ગુજરાત માં આજ થી વિધિવત રીતે ચોમાસાની ઋતુ નો પ્રારંભ થઇ જશે, મુંબઈ સુધી પહોસેલું ચોમાસુ ગુજરાત રાજ્ય માં વિવિધ જિલ્લામાં ભારે વરસાદ ની બેટિંગ કરવાનું છે. 

આજે સૌરાષ્ટ્ર નાં મોટાભાગ ના વિસ્તાર માં ભારે વરસાદ ની આગાહી કરવામાં આવી છે. જેમાં. ભાવનગર, અમરેલી ગીર સોમનાથ, પોરબંદર , રાજકોટ, જૂનાગઢના, જામનગર માં ભારે વરસાદ ની આગાહી કરવામાં આવી છે.