ગુજરાતના મોટા ભાગના વિસ્તારોમાં હાહાકાર મચાવ્યા પછી છેલ્લા બે-ત્રણ દિવસથી વરસાદમાં રાહત મળી છે. પરંતુ હવે ફરીથી સિસ્ટમ સક્રિય થઈ રહી છે જેના કારણે પાંચ દિવસ સુધી કેટલાક વિસ્તારોમાં સારો એવો વરસાદ નોંધાય તેવી શક્યતા છે.
હવામાન ખાતાએ કેટલાક જિલ્લા માટે યલો એલર્ટની જાહેરાત પણ કરી છે. આજે અમરેલી, ભાવનગર, પંચમહાલ, દાહોદ, છોટાઉદેપુર, નર્મદા, સુરત, તાપી, નવસારી, ડાંગ, વલસાડ, દમણ અને દાદરા નગર હવેલીમાં છુટાછવાયા સ્થળોએ ભારે વરસાદની આગાહી કરવામાં આવી છે.
આ જિલ્લાઓ માટે વરસાદને લઈને આજે યલો એલર્ટ આપવામાં આવ્યું છે.
હવામાન ખાતાની આગાહી પ્રમાણે બીજી સપ્ટેમ્બરે ભરૂચ, સુરત, નર્મદા, તાપી, નવસારી, વલસાડ, દમણ, દાદરા નગર હવેલી ડાંગમાં ઓરેન્જ એલર્ટ સાથે છૂટા છવાયા સ્થળે ભારેથી અતિ ભારે વરસાદ પડી શકે છે.
ભાવનગર, આણંદ, વડોદરા, પંચમહાલ, છોટાઉદેપુર અને દાહોદમાં યલો એલર્ટ આપવામાં આવ્યું છે. ત્યાર પછી ત્રીજી સપ્ટેમ્બર- મંગળવારે અમરેલી, ભાવનગર, આણંદ, વડોદરા, ભરૂચ, નર્મદામાં છુટા છવાયા સ્થળોએ ભારે વરસાદની આગાહી સાથે ઓરેન્જ એલર્ટ આપવામાં આવ્યું છે.
ટિપ્પણીઓ